ليه احنا بنكتب فرانكو عربي ......!!!

بسم الله الرحمن الرحيم

الموضوع صراحه بيضايقني انا بس مسألتش حد غيري عشان اعرف رأيه فقلت اكتب الموضوع واعرف رأيكم ايه ؟

بنلاحظ كتير الايام دي اننا معدناش بنكتب عربي عربي ولا حتى انجليزي انجليزي

لا بقينا بنكتب انجليزي عربي ... فرانكو اراب
franco arab

اوقات كتير ناس بتكتب باللغة دي وهيه اساسا مش بتعرف تكتب بيها
ومحدش بيعرف يقرا الكلام بتاعهم كمان

قليل فعلا اللي تلاقيه الايام دي بيكتب عربي عربي او انجليزي انجليزي حتى لو بيكتب غلط

بس اللغة دي انا اعتقد والله اعلم
ان اللغة دي احنا اخترعناها عشان نعرف نكلم بعض من غير ما الاهل يفهموا احنا بنقول ايه وكمان لاننا مش بنعرف نكتب انجلش كويس اوي ولو كتبنا عربي الاهل هيفهموا الكلام

فالحل هوه الانجلش فعملنا اللغة دي خليط بين الانجليزي والعربي

حروف انجليزية بس الكلمة ككل عربي

وعملنا رموز ليها

2=أ
3= ع
5= خ
6=ط
7=ح
8=ق
9=ص

يعني حتى لما لاقينا في حروف عربية مش موجودة في الانجليزي اخترعنا الرموز دي

يعني طبعااااااااا لو الاب او الام قاعده وشافت ابنها كتب كلمه حروف انجليزي وجواها ارقام هتحس انه بيكتب شفرة ومش هتفهم ايك

مثلا

e7na hant2abl elsa3a 5amsa

ولا مين هيفهم ان الجملة معناها " احنا هنتقابل الساعه 5 " فانا بجد مش عارف
احنا اللي عملنا اللي دي ليه عشان السبب ده فعلا

ولا عشان سبب تاني

ياريت ياجماعه كل واحد يدخل يقول رأيه ليه احنا بنكتب كده وايه الاسباب يمكن يكون حد عارف السبب الحقيقي لو مكنش ده السبب اللي قوق ده هوه الحقيقي

وكمان ياريت كل واحد يقول هوه بيفضل يكتب بإيه بالرغم انه هيبان من الرد بتاعه قصدي من طريقة كتابته للرد سواء عربي او انجلش او فرانكواراب

ومحدش يزعل يا جماعه لو حد بيكتب باللغة دي ده مجرد موضوع ودي حرية شخصية كل واحد حر طبعا بس مجرد حوار مش اكتر

ومستنى اعرف رأيكم بجد